Iǹạk̓
huḍiǹ baḍaere̠, jãhãe Sạntal ho̠ṛ ho̠po̠n olak̓ ar chapao so̠do̠rakan
pạhil Inglis no̠bhe̠l do̠ <‘It's Dying Time - A Chilling Indian Thriller’> kana.
O̠no̠liạ do̠
kan tabonae abo Jamtoṛa Jila re̠n mit̓ṭe̠c bạbu koṛa Amit Besra.
Onate̠ boeha ar miserako, ape judi Sạntal Sahitya reak̓ puthiko jarwa reak̓ shauk menak̓ tapea, to̠be̠ noa puthi do̠ jaruṛge hataope̠.
Menek, aema duk renak̓ katha, noa puthi reak̓ do inạk̓geǹ tariph daṛeak̓a, ar ona hõ̠ abore̠n ho̠ṛ-ho̠po̠n kan te̠.
Pạhil katha, noa do̠ ạḍi khaṭo̠ kitạb kana, no̠bhe̠l, do̠ cet̓, kạṭic̓ no̠bhe̠l me̠n hõ̠ pasec̓ baṅ jutuk̓a. Noa no̠bhe̠l re̠ e̠ke̠n 56 pej menak̓a, ar protyẹk pejre̠ ebharej 200 warḍ. Eṭagak̓ no̠bhe̠l kore̠do̠, je̠le̠ka Cetạn Bhạgạtak̓ mõ̠ṛe̠ go̠ṭec̓ no̠bhe̠l do̠ 206 kho̠c̓ 296 pej reak̓ ar ebharej 256 pej reak̓ tãhẽn kana, ar protyẹk pejre̠ aema katek̓ warḍ. Mit̓ṭe̠c̓ ingreji no̠bhe̠l re̠ ebharej pea kho̠c̓ ponea sae warḍ tãhẽn kana.
Ar kitạb reak̓ dam bon ǹe̠lkhac̓, Cetạn Bhạgạtak̓ jo̠to̠ puthige 140 Ṭaka katek̓ damo̠k̓ kana, ‘Flipkart’ kho̠c̓em mangao lekhac̓ 91 Ṭaka re̠m ǹama, menkhan o̠nḍe noa no̠bhe̠l do̠ 150 Ṭaka dam kana ar ḍiskaunṭ hõ̠ moṭhe eyay Ṭaka.
Ado̠ nit do̠ no̠bhe̠l re cet̓ o̠l menak̓a, onabon gapalmarao lege. No̠bhe̠l do mit̓ṭe̠c̓ phe̠nte̠si no̠bhe̠l kana jãhã re̠nak̓ plo̠ṭ reak̓ iǹ gidrạgeǹ tãhẽ̠kana unre̠ paṛhaoak̓ mit̓ṭe̠c̓ ko̠miks sãwte̠ aema mel menat̓a. Ona ko̠miks do̠ pasec̓ mit̓ṭe̠c̓ Indrạjal Komiks reak̓ mucạt̓ se̠c̓ re̠ o̠l juṭuc̓ak̓ tãhẽkana. Onare̠ko udup̓ leda je̠ mit̓ṭe̠c̓ ho̠ṛ do̠ one̠ onkanak̓ grenḍphadar klo̠ke̠ ǹam ledae jãhã reak̓ ḍayạl re̠ pro̠tyek ghạnṭa saḍe̠ jokhe̠c̓ mit̓ṭe̠c̓ eksiḍenṭ reak̓ sin udugo̠k̓ kan tãhẽkana. Ado̠ mit̓din ma, uni ho̠ṛ ayak̓ge gojok̓e̠ǹe̠lke̠t̓ je̠ cet̓leka ona grenḍphadar klo̠k latarre̠ te̠nkate̠k̓e̠ gojok̓ kanae.
No̠bhe̠l do̠ jãhãe o̠no̠liạwak̓ pạhil utạr kạhni leka ạḍite̠t̓ge o̠ṭo̠bayographikạl kana mane̠ Hindi re̠ko me̠n akat̓ “भोगा (या जिया) हुआ साहित्य” leka. No̠bhe̠l re̠n Hiro ar o̠no̠liawak̓ ǹutum do̠ ekal mit̓ macha gea. Kitạb eto̠ho̠p̓re̠ e̠m akan Ekno̠lo̠jme̠nṭs re̠ o̠l akan leka, o̠no̠liạ re̠n jãhãe bạhu hoyok̓ lạgido̠k̓, uniak̓ ǹutum ar no̠bhe̠l re̠n hiroinak̓ ǹutum hõ̠ mit̓lekage. (Ar ikạǹ kho̠jo̠k̓ kana, nhoṅkaǹ baḍae ǹam akada je̠ o̠no̠liạ re̠n jãhãe bạhu hoyok̓ lạgido̠k̓, uniak̓ ar no̠bhe̠l re̠n hiroinak̓ bekgraunḍ hõ̠ mit̓gea. O̠no̠liạwak̓ bapla jio̠n je̠mo̠n ạḍi napae ar hulạs hoyok̓, onage iǹak as ạsirbad do̠.) O̠no̠liạ ar no̠bhe̠l re̠n Hiro, banarge mit̓ yunibharsiṭi kho̠c̓gekin paṛhao akada. Cetạn Bhạgạt pichạ cet̓leka o̠no̠liạkoko pe̠re̠c̓ cabaokana, ar jo̠to̠ no̠bhe̠l kore̠ge kempạs jio̠n reak̓ kạhnikobon ǹe̠le̠t̓ kana, noa hõ nho̠ṅkanak̓ge no̠bhe̠l kana. Mane̠, barabạri do̠ kempạs jion ar bạki do̠ phe̠nṭe̠si.
Ar no̠bhe̠l babo̠t do̠ cet̓iǹ ro̠ṛa? No̠bhe̠l reak̓ pạrsi do̠m aikạua je gel-bar klas re̠n ko̠nbhe̠nṭ re̠n pạṭhuạwak̓.
Inḍlis te̠ ma pe̠re̠c̓ menak̓. Ǹel tabonpe̠ :-
“The home, yellowish in colour, ..”, <House> bo̠do̠lte̠,
“The faculty had arrived.”, mit̓ṭe̠c̓ ge masṭar lạgit̓,
“Most of the staffs leave right on time, ..” <Most of
the members of the staff> bo̠do̠lte̠,
“Now it was time for both of them to keep the phone.” <end the
call> bo̠do̠lte̠,
“Sitting in latest Pulsar 150, ..” <pillion riding on> bo̠do̠lte̠,
“small streets ..”, <narrow or short> bo̠do̠lte̠,
“pant”, <trousers or pants> bo̠do̠lte̠,
“night duty”, <night shift> bo̠do̠lte̠,
“in”, aema jaegare̠ jãhãṭhe̠c̓ <on> o̠l jaruṛ tãhẽ̠kana, ona bo̠do̠lte̠,
ar emanteak̓ko.
Aema jaegare̠ o̠no̠liạ do̠ plural noun bo̠do̠lte̠ singular noun tege kạmi calao dae.
Nho̠ṅkage, present tense ar past tense reak̓ hõ̠ aema gonḍogol menat̓a.
Ar aema bhul do̠ pruph riḍiṅg reak̓ me̠nat̓a. Ạḍi airo̠nik katha kana je̠ o̠no̠liạ do̠ pase̠c̓ proof reading reak̓ mane̠ hõ̠ bae baḍaea, ce̠dak̓ je̠ uni do̠ noa reak̓ ạḍi judạge mane̠ rey̠e̠ bebo̠har akada, pruph (sạbut) jogaṛ reak̓ mane̠ re̠.
Iǹ do̠ ispeliṅg reak̓ bhul hõ̠ pruph riḍiṅg reak̓ bhul regeǹ sap̓ akada. Jeleka :-
bodygaurd, querry, quitely, rumbels, showed (shoved bo̠do̠lte̠), doze (dose bo̠do̠lte̠), crossword (crossroad bo̠do̠lte̠), ar emanteak̓ko.
Pruph riḍiṅg reak̓ bhul redo̠ ko̠ma ar singạl epo̠sṭrophi reak̓ bebo̠har aema jaega rege baṅ hoe akana, ona hõ̠ǹ sap̓ akada.
Nõ̠k̓õ̠e nhõ̠ṅkage
jãhãnak̓ dayalo̠g reak̓ mucạt̓ re̠nak̓ pạnkcuesạn marks reak̓ bebo̠har
ḍạbạl koṭs (ḍạbạl epo̠sṭrophi marks) bahre̠ re̠ hoe
akana. Noa do̠ ạḍige aṛise̠m aikaua.
Ar judi kạhni reak̓ sebelte̠t̓ bon gapalmarao khac̓, abore̠n Phesbuk gate, Manotan Sundạr Mạnoj He̠mbro̠m ar Manotan Anḍreas Ṭuḍu tạkin do nui o̠no̠liạ kho̠c̓ aema laha re̠ menak̓kinạ. Sundạr Boeha ma nasenak̓ judạ lekanak̓ kạhniae o̠l, me̠nkhan Anḍreas Dawak̓ thrilạr kodo̠ noa no̠bhel kho̠c̓ aema thriliṅg ar ciliṅg.
E̠nre̠hõ̠, noaǹ aso̠k̓ kana je̠ o̠no̠liạ do̠ ayak̓ etohop̓ reak̓ bhul kote̠ cet̓ katek̓ nit do̠ bhage-bhage kạhniko o̠l tabonae.
Noa puthi do̠ Sepṭembo̠r 2010 re̠ uchạn lena. Ar bạki do̠ latar em link khoc̓ ape̠ apnar tege baḍaejo̠ṅpe :-
संदेश
